Алдыңкы илимпоздордун божомолунда, келечекте ар кайсы жасалма интеллект бирдиктери маалыматтарды бири-бири менен бөлүшүп, өз алдынча үйрөнө алган жамааттык тутумдар пайда болот.
Бул тууралуу макала апрель айында https://scitechdaily.com сайтына жарыяланды.
“Жамааттык ЖИ” коопсуздук, саламаттыкты сактоо жана кырсыктарга чара көрүү тармактарында чоң өзгөрүүлөрдү алып келиши мүмкүн. Идея “Жылдыз саякатындагы” фантастикалык Боргдон шыктанса да, ар бир ЖИ өз алдынча иштей алгандыктан, жалпы коопсуздук да жогору болот.
Лафборо университетинин, Массачусетс Технологиялык Институту жана Йель университетинин алдыңкы адистери белгилешкендей, бул идея атактуу “Жылдыз саякаты” (Star Trek) фильмдер сериясындагы “Борг” аттуу жамааттык аң-сезимге ээ жандыктарды эске салат.
Жамааттык ЖИ деп аталган бул жаңы түшүнүк тууралуу Nature Machine Intelligence журналында макала жарыяланды. Анда көп сандагы ЖИ агенттери бири-бири менен байланышта иштеп, өз алдынча үйрөнө билген, көнүшүп кеткен жана тажрыйбасын өз ара бөлүшө алган система сүрөттөлөт. Бул ЖИлер өз маалыматтарын жана билимдерин бириктирүү менен тез өнүгүүгө жетишет.
Окумуштуулар бул концепцияны “Боргдор” менен салыштырганы менен, фантастикадан айырмаланып, “Жамааттык ЖИ” адамзатка пайда алып келет деп ишенишет.
Изилдөө жетекчиси доктор Андреа Солтоджио мындай дейт:
“Мындай ЖИлер бири-бири менен тез маалымат бөлүшө алат. Бул аларга жаңы кырдаалдарга, коркунучтарга жана көйгөйлөргө ыкчам жооп кайтарууга мүмкүнчүлүк берет. Мисалы, киберкоопсуздукта бир ЖИ коркунучту аныктаса, ал заматта башка ЖИлерге маалымат берип, жамааттык жоопко шарт түзөт — бул адамдын иммундук системасына окшош.”
Ошондой эле, мындай система:
- кырсыктар учурунда иштөөгө ыңгайлашкан куткаруу роботторун,
- ар бир бейтапка ылайыкташтырылган жеке медициналык ЖИ жардамчыларын жаратууга өбөлгө болот.
Албетте, мындай өнүгүү менен бирге кээ бир тобокелдиктер да жаралышы мүмкүн — мисалы, мыйзамсыз же туура эмес маалыматтардын жайылышы. Бирок окумуштуулар бул жасалма интеллект агенттери өз максатын жана өз алдынчалыгын сактап кала алат деп ишенишет. Бул болсо системанын коопсуздугун камсыздоонун маанилүү бөлүгү.
Шилтемелер:
Сүрөт Жасалма интеллектте жасалды
